Հացահատկային սննդի օգտագործումը կարող է ավելորդ քաշ առաջացնել 

Հացահատկային սննդի օգտագործումը կարող է փոփոխություններ առաջացնել հիպոթալամուսի աշխատանքի մեջ և առաջացնել ավելորդ քաշ: Այս եզրակացությանն են հանգել Նոր Զելանդիայի Օտագոյի համալսարանի գիտնականները։ Հետազոտությունը հրապարակվել է Wiley Online Library-ում:

Հետազոտողները փորձել են պարզել, թե արդյոք մկների սննդակարգում գլյուտեն ավելացնելն առողջության վրա բացասական ազդեցության կհանգեցնի: Կրծողներին բաժանել են երկու խմբի՝ երկուսն էլ կերել են ճարպային սնունդ: Միաժամանակ առաջին խումբը մեծ քանակությամբ սնձան էր օգտագործում։

Գիտնականները նաև առանձնացրել են կրծողների երկու փորձնական խումբ, որոնք սնվում էին ցածր յուղայնությամբ սննդակարգով՝ գլյուտենով և առանց գլյուտեն:

14,5 շաբաթ անց ճարպային դիետայի մկների երկու խմբերն էլ ավելորդ քաշ են հավաքել: Այն կրծողները, որոնց սննդակարգում սնձան չկար, ավելացել են միջինը 16,5 գրամով։ Առաջին խմբի մկները ծանրացել են 20,4 գրամով։ Ցածր յուղայնությամբ դիետայի կրծողներն ավելորդ ճարպ չեն հավաքել։

Պարզվել է, որ գլյուտենով հարուստ սննդակարգը մեծացնում է հիպոթալամուսի կամարաձև կորիզում գտնվող աստրոցիտների քանակը (դրանք ուղեղի օժանդակ նյարդային հյուսվածքի բջիջներն են)։ Դրանք մասնակցում են ուղեղի իմունային արձագանքին:

Չափից շատ ճարպի օգտագործման ֆոնին՝ գլյուտենով հարուստ սննդակարգը կարող է հանգեցնել հիպոթալամուսի բորբոքման և ուղեղի վնասման: Սա բացասաբար է անդրադառնում առողջության վրա՝ նպաստելով ինչպես քաշի ավելացմանը, այնպես էլ արյան շաքարի վատ կարգավորմանը։

Հետևեք NEWS.am Medicine-ին Facebook-ում և Twitter-ում